PARIYO KI RAAJKUMARI

Parlok me pariyo ki ek raajkumari thi. Wo chote baccho se bahut pyaar karti thi. Ek din raajkumari ne tay kiya ki baccho ke school me sabse swasth bacche ko dher saare tohfe aur vardaan degi. Raajkumari apne udankhatole par baith kar baccho ke school ka nirekshan karne lagi. Raajkumari ne dekha kuch bacche sunder, saaf – suthre kapde pahne the aur swasth vi the to wahi kuch bacche prabhavshali, furteele aur nidar the to wahi ke bahut saare bacche gareeb aur kamajor the..

Raajkumari bade he asmanjas mein pad gaye. Usne tay kiya ki wo baccho ka nirekshan aur vi najdeek se karegi. Tab raajkumari pareelok se utar ker dharti per aaye aur savi school ka najadeek se nirekshan karne lagi. Usne dekha savi bacche kisi na kisi swaasth sambandhi samasya se joojh rahe the. Kisi bacche ke daanton mein sadan thi to kisi ki aankho mein chashme lage huye the. Kuch bacche hemoglobin kami se paresaan the to kaye calcium ki kami se paresaan the aur unke daant kamjor the. Kuch adhik mote the to kuch bahut kamajor the. Is-se raajkumari bahut udaas huye. Pariyo ne in savi samasyaayo ke mul kaaran ko dhoondne ka faesla kiya. Jaise he madhyaa bhojan ki ghanti baje raajkumari adrishya hokar darawaaje ke pichhe chhip gaye..

Usne dekha ki bacche tipin mein chocolate, cake, gem, sandwitch, maggi, chaumin, bargar, samosa, pizza, biscut aadi khaane ki cheeje laye huwe the. Raajkumari is-se bahut chintit huye. Kyonki bacche aese na to poshak tatwa se bhare bhojan le rahe the aur na hi usme santulit maatra mein protein aur vitamin the. Uske saath hi in khadya padaartho mein rasaayanik rang, kritrim rasaayanik sanrakshak va chatpate masaalo ko milaya jaata hai, jo ki swasthya ke liye behad hanikaarek hote hain..

Raajkumari ki aankho mein aansu aa gaye. Usne yaad kiya ki kuch saal pehle jab wo sabse tandurust bacche ko tohfe dene ke liye aaye thi tab usane dekha tha ki baccho ke tipin mein ankurit anaaj, khushbudar fal jaise seb, naashpaati, papita, aam, kela, gaajar, matar ki sabji, roti, matar pulaav aadi khaane ki cheje thi. Ye savi khadya padaarth poshak tatwh se bharpur aur praakirtik tatwa se yukt the. Lekin is baar baccho ke badle khaan-paan se wo pareshan thi. Raajkumari ne socha in baccho ko swasthya sambandhi psreshaniyo se ghira chhod kar parilok waapas kaise ja sakti hai ?

Tabhi raajkumari ne jaaduyi chhadi se khud ko ek shikchika ke roop mein badal liya aur principal se kaha ki wo baccho ko padhana chaahti hai. Principal ne haan kah diye or tb usne tay kiya ki wo tab tak parilok nahi jaayegi jab tak wo baccho ki khaan-paan ki aadto ko badal nahi deti. Raajkumari ki mehnat rang layi aur bacche punah swasth bhojan laane lage aur uske baad usne sabko vardaan diya aur khoob saare tohafe v diye..

Leave a Reply